من أشعار الشيخ محمد بن راشد آل مكتوم – إجرامْ

من أشعار الشيخ محمد بن راشد آل مكتوم – إجرامْ

قصيدة إجرامْ للشيخ محمد بن راشد آل مكتوم 


كانوا العرَبْ في الجاهليِّهْ والإسلامْ
يحمونْ بيتْ اللهْ وناسٍ تزورَهْ

وكانوا علىَ شركْ وعبادهْ للأصنامْ
ياغيرْ حبْ البيتْ وأمنهْ ضرورَهْ

يحمونْ حجَّاجهْ ويغدونْ خدَّامْ
ويعظِّمونِهْ وآمناتٍ طيورَهْ

مَرْ الزِّمانْ وجوْ لنا أهلْ الأوهامْ
إمامهمْ إبليسْ هُمْ طوُعْ شورَهْ

إيرَوِّعونْ اللِّي إلبسوا ثيابْ الإحرام
عمَّارْ دارٍ بالصَّلاهْ إمْعَمورَهْ

بليَّا حيا أَوْ خوفْ تدميرهمْ دامْ
لينْ إوصلوا في الشَّرْ لأكبَرْ خطورَهْ

وإلاَّ يجوزْ بشهرْ والنَّاسْ صيَّامْ
ليلةْ ختامْ الآيْ تنفحْ عطورَهْ

يجي مخرِّبْ لابسْ حزامْ الألغامْ
والنَّاسْ حولْ البيتْ فَ آتَمْ صورَهْ

يبغي يفجِّرهمْ ويحكمْ بالإعدامْ
علىَ أبريا وبالغدرْ ناذرْ نذورَهْ

إختارْ وأمثالهْ الأذيِّهْ والإجرامْ
وساروا بدربٍ فيهْ شوكْ ووعورَهْ

في أيْ شرعْ يجوزْ هذا يا ظَلاَّمْ
واللهْ حمىَ بيتهْ وعظَّمْ أمورَهْ

في سورْةْ الحَجْ الدلايلْ والأحكامْ
ردٍّ مِنْ اللهْ لمنْ نوىَ في شعورَهْ

ياكيفْ مِنْ خطَّطْ بتفكيرْ وإلهامْ
مِنْ غيرْ خوفْ وبانْ وهمهْ وزورَهْ

يا أهلْ السياسهْ والثقافة والاعلام
اتجمعوا لاحق واحموه صورة

ولمن يقصر بيجي لك الزام
والله ضامن أنه إيتم نوره

 محمد بن راشد آل مكتوم 

سولفوا تكفون لا عاد تسكتون

سولفوا

محمد بن فطيس المري

سولفوا تكفون لا عاد تسكتون … قبل لا أهوجس وياتيني بلاي
السكات يزود طعوني طعون … وتنكسر لا جا على راسي عصاي
سولفوا لو ما بغيتوا اتسولفون … قبل لا اقعد في الحزن رايح وجاي
واضحكوا لو بالعماله تضحكون … وجاملوني لو يضايقكم حكاي
لي وليفٍ راح جعله ما يهون … هو دواي وداي أو داي ودواي
راح لكن طيف زوله في العيون … مرةٍ قدامي ومرة وراي
وإن سكتوا جا وهو طيفه يمون … رحت أهوجس له وأبين له ولاي
مكسب عيوني من الفرقا مزووون … تمطر لطاريه والبرق ؟ أصدقاي
كل ما طروه لو هم يمزحون … احرموني من غداي ومن عشاي
أدري إنه ما تناسى الود كون … تسمع إذنه في قفاي اللسن عداي
وكانهم قالوا نسيته يكذبون … وإلا أنا فيه أمتلك نظرة وراي
كان حبه لي على خبري مصون … والله ان كني بقدري وبغلاي
ذي بقايا الحب وأطلال الجنون … والله أعلم في ضميره وش بقاي
غير طيعوني ولا عاد تسكتون … ولا والله إن أسمعكم بكاااي

انفاس صدري

 

كلمات : عوض القوانه
اداء : سعود الدلبحي

انفاس صدري

الشعر يقرا شعوري واكتبه باحساسي … والقلم قرطاس ضلوعي وحبر دمي

وانت اللي للخفوق اقرب لي من انفاسي .. ليه تروع صادق احساسي وتضما همي

يا بعد عيني وقلبي والشعور وناسي .. قلّبي اكثر بعد يا انفاس صدري يمي

سيِّري بين الضلوع الضم ورا اليباسي … كل ما مريت اجروحي عليها سمي

يا غلاي ويا هواي وجوهري وألماسي … انتي اغلا من عشقته بعد ابويا وامي

كل ما هبت بك جروح الغلا ادر راسي … اطعمك واسمعك واشوفك واشمك شمي

بين هجرانك وصدك والزمان القاسي … شاب قافي وانت ريحك باقيًّن في كمي

غير شعري فيك والله ما يقند راسي … كل ما جادت هجوسي جيت لك متحمي

ما يطيح القاف فيك الا وهو متواسي … وانرسم حرفه جمالك  قال لك يا عمي

كأن عشقك ثوب فصلته على مقياسي … يلبس احساسي ويصدح لك شعر من فمي

الشعر يقرا شعوري واكتبه باحساسي … والقلم قرطاس ضلوعي وحبر دمي

 

 

يا عوين الحال بنفلي

كلمات الشاعر صالح بن خنفور الدرعي

يا عوين الحال بنفلي .. صوب يلي غادر الديرة

بو يديلن طاح منهلي … دون شوفه عيني سهيرة

هيمنتها تشل وتخلي … ينقرا ونعرف تعبيره

رمسته ما عاد تنملي … والحياة بدونه خطيرة

شد ياللي سيره يسلي … صنع اليابان ويديره

…………………………………………..

[ad id=”13280″]

 

أداء الهاجس الدرعي

يا عوين الحال بنفلي